جنگ بولی وُڈ فلم نہیں ہوتی، سابق بھارتی آرمی چیف کی اپنے میڈیا پر تنقید

نئی دہلی: سابق بھارتی آرمی چیف کی اپنے ملک کے میڈیا پر شدید تنقید، بھارت کے سابق آرمی چیف جنرل منوج نروانے بھارتی میڈیا کی جانب سے جنگ بھڑکانے کی باتوں پر برس پڑے۔
جنرل ریٹائرڈ منوج نروانے نے کہا کہ جنگ کوئی بولی وُڈ کی فلم نہیں ہوتی، جنگ ایک سنگین معاملہ ہوتا ہے، جس طرح عوامی سطح پر بھرپور جنگ پر اُکسانے کی کوشش کی گئی وہ افسوس ناک ہے۔
انہوں نے کہا کہ کسی بھی جنگ سے سرحدی علاقوں میں آباد شہریوں بالخصوص بچوں پر ہولناک نفسیاتی اثرات مرتب ہوتے ہیں، اس لیے جتنا ممکن ہو جنگ سے گریز کرتے ہوئے پُرامن مذاکرات اور سفارت کاری کا راستہ اختیار کرنا چاہیے۔