وائس آف سندھ سے وابستہ معروف صحافی، فواد رضا کے لیے آگاہی ایوارڈ

اسلام آباد: معروف صحافی، شاعر اور ڈیجیٹیل میڈیا ایکسپرٹ فواد رضا کو اپنی تحقیقی رپورٹ کے لیے آگاہی ایوارڈ سے نوازا گیا۔
تفصیلات کے مطابق اسلام آباد میں معنقدہ تقریب میں وائس آف سندھ کے ویب ایڈیٹر اور کونٹیکنٹ ہیڈ (انگلش) اور سہ ماہی میگزین کے ایڈیٹر، فواد رضا کو آگاہی ایوارڈ ۲۰۲۰ پیش کیا گیا۔ انھیں یہ ایوارڈ اُن کی تحقیقی اسٹوری Karachi – A Case Study Of The Impacts Of Rural To Urban Migration کے لیے دیا گیا۔

خیال رہے کہ فواد رضا ڈیجیٹیل میڈیا کا وسیع تجربہ رکھتے ہیں۔ وہ اب تک، اے آر وائی اور بول جسے اداروں میں اہم ذمے داریاں نبھا چکے ہیں۔ اس وقت وہ وائس آف سندھ میں انگلش نیوز ویب سائٹ کو لیڈ کر رہے ہیں۔
وائس آف سندھ پاکستانیت اور مثبت اقدار کے فروغ کے لیے کام کرنے والا ایک میڈیا پلیٹ فورم ہے، جس کا مقصد سندھ کے نوجوانوں کو متحرک کرنا ہے۔ اس کے پیٹرن ان چیف حنید لاکھانی اور پراجیکٹ ڈائریکٹر ڈاکٹر عمیر ہارون ہیں