لاہور: وزیر اطلاعات پنجاب عظمیٰ بخاری کے مختلف تھیٹرز پر چھاپے، اداکارائوں کے لباس کی جانچ پڑتال، فحاشی کے خلاف پنجاب حکومت کا بڑا قدم۔
گزشتہ روز عظمیٰ بخاری نے اچانک مختلف تھیٹرز پر چھاپے مارے اور فحاشی کی روک تھام اور بے حیائی کو روکنے کے لیے کارروائیاں کیں۔ آرگنائزرز اور اداکاروں کو سخت ہدایت دیں۔
قبل ازیں عظمیٰ بخاری کا کہنا تھا کہ تھیٹرز کے نام پر فحاشی اور بے حیائی پھیلانے کی اجازت نہیں دی جاسکتی، تھیٹرز مالکان انڈرٹیکنگ کے مطابق تھیٹرز چلانے کے پابند ہیں، انڈرٹیکنگ کی خلاف ورزی پر تھیٹر چلانے کی اجازت نہیں ملے گی۔
ایک بیان میں عظمیٰ بخاری نے کہا کہ اسٹیج اداکار اور اداکارائیں تھیٹرز کو فیملی تھیٹرز بنانے میں کردار ادا کریں اور عید کے موقع پر تھیٹرز مالکان شہریوں کو اچھی اور معیاری تفریح فراہم کریں۔ انہوں نے کہا کہ غیرقانونی اور بغیر لائسنس کسی کو تھیٹرز چلانے کی اجازت نہیں، غیر قانونی اور بغیر لائسنس تھیٹرز چلانے پر سخت کارروائی ہوگی۔
عظمیٰ بخاری نے مزید کہا کہ اضلاع کے ڈی سیز اور ضلعی انتظامیہ پنجاب آرٹ کونسل کے نمائندوں سے رابطے میں رہیں، تھیٹرز کے نام پر فحاشی اور بے حیائی پھیلانے کی اجازت نہیں دی جاسکتی، جلد خود پنجاب کے مختلف اضلاع کے تھیٹرز کے سرپرائز وزٹ کروں گی۔