ہمارے ہاتھوں پر عامر لیاقت کا خون ہے، اشنا شاہ

کراچی: پاکستان ٹی وی انڈسٹری کی معروف اداکارہ اشنا شاہ نے عامر لیاقت حسین کی اچانک موت پر سوشل میڈیا صارفین پر شدید غم و غصے کا اظہار کیا ہے۔
عامر لیاقت کے انتقال پر اُشنا شاہ نے ٹوئٹر پر اپنا پیغام جاری کرتے ہوئے لکھا کہ انہوں نے ہمیں تفریح کا سامان مہیا کیا جسے ہم نے دیکھا اور ہم ہنسے، مجھے امید ہے کہ وہ اب سکون میں ہوں گے۔
اشنا شاہ نے مزید لکھا کہ اللہ پاک ہمیں ہمارے ہنسنے پر معاف فرمائے۔
گزشتہ روز اپنی ایک اور ٹوئٹ میں اداکارہ نے سخت الفاظ کا استعمال کیا اور لکھا کہ انہیں ایک عورت نے عوامی طور پر برہنہ کردیا تھا جس سے انہوں نے قانونی طور پر شادی کی تھی۔
اُشنا نے لکھا کہ جس کسی نے ان کی ویڈیوز شیئر کیں، ان پر ہنسا، اُن ویڈیوز کو دیکھا، ان سب کے ہاتھ پر عامر لیاقت کا خون ہے، ہمارے ہاتھوں پر عامر لیاقت کا خون ہے۔