آج جس مقام پر ہوں، یہ سب میری محنت کا نتیجہ ہے، طوبیٰ انور

کراچی: اداکارہ طوبیٰ انور کا کہنا ہے کہ آج وہ زندگی میں جس مقام پر ہیں یہ ان کی محنت کا نتیجہ ہے۔
اداکارہ طوبیٰ انور نے حال ہی میں ایک پوڈکاسٹ میں گفتگو کرتے ہوئے کہا کہ زندگی میں بہت سے مسائل کا سامنا ہونے پر خاموش رہی، لیکن اس وقت شاید کمزور تھی یا ذہنی طور تیار نہیں تھی، یہی وجہ تھی کہ میں جواب نہیں دے سکی۔
ان کا کہنا تھا کہ ہم زندگی میں بعض اوقات لوگوں کی سوچ نہیں بدل سکتے، میرے نزدیک جب میری پوری زندگی داؤ پر لگی ہو تو ایسی صورت حال میں، میرے لیے میرا ذہنی سکون سب سے اہم تھا، اس کے بعد ہی میں کسی تنقید کا جواب دیتی اور جب یہ سکون میں نے حاصل کرلیا تب بھی اللہ نے ہر چیز کو میرے لیے آسان کردیا کیوں کہ اگر انسان غلط نہ ہو اس کی نیت صاف ہو تو اللہ راستے آسان کردیتا ہے۔
طوبیٰ انور نے اپنے شوبز کیریئر پر بات کرتے ہوئے مزید کہا کہ لوگ یہ محسوس کرتے ہیں کہ اداکار بننا آسان ہے لیکن ایسا نہیں ہے، اداکاری میں آئی تو صورت حال بہت مشکل تھی لیکن پھر اللہ نے میرے لیے سب آسان کردیا، آج زندگی کے جس مقام پر ہوں یہ سب اللہ کے فضل و کرم سے، میری محنت کا نتیجہ ہے، کیوں کہ جب آپ جواب نہیں دیتے تو اللہ آپ کیلئے جواب دیتا ہے۔