ٹک ٹاکر شاہ تاج کا شاداب خان کیساتھ مہینوں روابط کا دعویٰ

کراچی: معروف ٹِک ٹاکر شاہ تاج خان نے پھر پاکستانی آل راؤنڈر شاداب خان کے ساتھ 6، 7 ماہ تک تعلقات میں رہنے کا دعویٰ کیا ہے۔
نجی ٹی وی پروگرام میں متھیرا کو دیے انٹرویو میں ٹِک ٹاکر شاہ تاج نے بتایا کہ وہ شاداب خان پر فدا تھی وہ میرا کرش تھے اور یہ بات شاداب بھی جانتے تھے، مجھے صرف ان کی وجہ سے کرکٹ اچھی لگتی تھی، میں ان کی اتنی بڑی مداح تھی کہ صرف ان کی خاطر کرکٹ میچز دیکھنے لاہور تک گئی تھی۔
ان کا کہنا تھا کہ میں انتہا کی حد تک شاداب خان کو چاہتی تھی لیکن جب انہوں نے شادی کرلی تو میرا دل ٹوٹ گیا۔
شاہ تاج نے دعویٰ کیا کہ ہم نے واٹس ایپ کے ساتھ انسٹاگرام پر بھی قریباً 6 سے 7 ماہ تک بات کی، میرے شاداب خان کے درمیان باضابطہ طور پر بات چیت ہوتی تھی، ہم دونوں کے درمیان اچھے روابط تھے لیکن اس کے باوجود آل راؤنڈر نے مجھے شادی سے متعلق آگاہ نہیں کیا تھا۔