لاہور: ٹک ٹاکر حریم شاہ نے کہا ہے کہ انہوں نے ہمیشہ فیاض الحسن چوہان کی اصلیت چھپائی اور کہا کہ آپ بہت اچھے انسان ہیں۔
حریم شاہ نے فیاض الحسن چوہان کو ویڈیوز وائرل کرنے کی دھمکی دیتے ہوئے ویڈیو پیغام جاری کردیا۔
ٹک ٹاک اسٹار کا کہنا تھا کہ میں نے ہمیشہ آپ کی اصلیت چھپائی تھی پر آپ بہت غلیظ انسان ہیں مگر میں نے ہمیشہ کہا کہ آپ بہت اچھے انسان ہیں، کیونکہ میں دنیا کے سامنے آپ کو بدنام کر کے آپ کا کیریئر ختم نہیں کرنا چاہتی تھی۔
حریم شاہ نے فیاض چوہان کو تنبیہہ کرتے ہوئے کہا کہ وہ ان کا نام اپنی زبان سے نہ لیں ورنہ وہ ان کی ویڈیوز ان کے اہلِ خانہ کو دکھا دیں گی۔
حریم شاہ نے ویڈیو کے اختتام میں سیاست دان کو مخاطب کرتے ہوئے کہا کہ تم اگر ہم سے ٹکراؤ گے تو سُن لو منہ کی کھاؤ گے۔ آپ کا اصلی چہرہ آج بھی میرے موبائل میں محفوظ ہے، اس لیے مجھ سے بچ کر رہیں۔