محکمہ صحت سندھ نے نیپاہ وائرس سے متعلق ایڈوائزری جاری کردی

کراچی: بھارت میں نیپاہ وائرس پھیلنے کے بعد محکمۂ صحت سندھ نے ایڈوائزری جاری کردی۔
ایڈوائزری کے مطابق یہ وائرس جانوروں سے انسانوں اور انسانوں سے انسانوں میں منتقل ہونے والا وائرس ہے، تاہم پاکستان میں نیپاہ وائرس کا کوئی کیس رپورٹ نہیں ہوا۔
ایڈوائزری میں بتایا گیا ہے کہ نیپاہ وائرس کی مختلف وجوہ ہوسکتی ہیں لیکن وائرس کی ابتدائی علامات میں بخار، سر درد، کھانسی، جسم میں درد اور الٹی شامل ہے۔
محکمۂ صحت سندھ کے مطابق صورت حال پر کڑی نظر رکھی جارہی ہے، تمام سرکاری و نجی اسپتال الرٹ ہیں، وفاقی وزارت صحت کی گائیڈلائنز پر عمل درآمد کریں۔