نئی دہلی: حکومت پاکستان کا آفیشل ٹوئٹر اکاؤنٹ بھارتی حکومت نے اپنے ملک میں غیر فعال کردیا۔
بھارتی میڈیا رپورٹس کے مطابق بھارت میں پاکستانی حکومت کے آفیشل اکاؤنٹ کو غیر فعال کردیا گیا ہے۔ بھارت میں حکومت پاکستان کے آفیشل اکاؤنٹ پر لکھا گیا ہے کہ اکاؤنٹ کو کچھ قانونی تقاضوں کے باعث غیر فعال کیا گیا ہے۔
ٹوئٹر اکاؤنٹ غیر فعال کیے جانے پر وزارت خارجہ کا ردعمل ابھی سامنے نہیں آیا ہے۔
واضح رہے کہ بھارت کی جانب سے اس قسم کے اوچھے ہتھکنڈے کوئی نئی بات نہیں۔ وہ پہلے بھی پاکستان کے خلاف اس قسم کے اقدامات کرتا آیا ہے۔