پاکستان میں تیار ہونے والا پہلا سیٹلائٹ خلا میں بھیج دیا گیا

کراچی: پاکستان کا مقامی سطح پر تیار کردہ پہلا سیٹلائٹ خلا میں بھیج دیا گیا۔
چینی میڈیا نے پاکستان کے مقامی سطح پر تیار کردہ پہلے سیٹلائٹ کو خلا میں بھیجے جانے کی تصدیق کردی ہے۔
چینی میڈیا کا بتانا ہے کہ سیٹلائٹ چین کے جی چھوان سیٹلائٹ لانچ سینٹر سے خلا میں بھیجا گیا ہے۔
سپارکو ترجمان کے مطابق پاکستان کا مقامی سیٹلائٹ ای او 1 خلائی ترقی میں ایک اہم قدم ہے، جو ڈیزاسٹر رسپانس، زراعت اور شہری منصوبہ بندی میں مدد کے لیے ڈیزائن کیا گیا ہے۔
ترجمان سپارکو نے بتایا کہ فوڈ سیکیورٹی اور واٹر مینجمنٹ کی مدد کے لیے بھی سیٹلائٹ استعمال میں لایا جائے گا اور سیٹلائٹ ملک بھر میں قدرتی وسائل کی نگرانی میں اضافہ کرے گا۔