کراچی: مشہور گلوکارہ آئمہ بیگ اور زین احمد کے درمیان طلاق کی افواہوں کی بازگشت زوروں پر ہے۔
فیشن ڈیزائنر زین احمد نے اپنے انسٹاگرام اکاؤنٹ سے شادی کی تمام تصاویر ڈیلیٹ کردی ہیں۔
زین احمد کے اس غیر متوقع اقدام کے بعد مداحوں کی جانب سے سوشل میڈیا پر قیاس آرائیاں کی جارہی ہیں کہ دونوں کے درمیان علیحدگی ہوگئی ہے۔
دوسری جانب حال ہی میں آئمہ بیگ نے بھی اپنا انسٹاگرام اکاؤنٹ ڈی ایکٹیویٹ کردیا تھا۔
تاہم دونوں میں سے کسی نے بھی اب تک علیحدگی سے متعلق خبروں کی تصدیق یا تردید نہیں کی ہے۔
اس سے قبل اکتوبر میں زین احمد نے انسٹاگرام پر آئمہ بیگ کو ان فالو کردیا تھا۔
بعدازاں جوڑے کے درمیان اختلافات کی خبروں پر زین احمد نے وضاحت دیتے ہوئے کہا تھا کہ یہ مسئلہ انسٹاگرام کی ٹیکنیکل خرابی کی وجہ سے پیش آیا تھا۔
خیال رہے کہ آئمہ بیگ نے 6 اگست 2025 کو اپنے دوست زین احمد سے شادی کی تصدیق کرتے ہوئے کہا تھا کہ کل رات اپنے بہترین دوست سے شادی کرلی۔