Voice of Sindh
Sindh ki Awaaz!
  • facebook
  • twitter
  • google_plus
  • Email
Voice of Sindh

ملکی کرنٹ اکاؤنٹ سرپلس میں تاریخ میں پہلی بار ایک ارب ڈالر اضافہ

کی طرف سے ویب ڈیسک پر اپریل 17, 2025

کراچی: پاکستان کے کرنٹ اکاؤنٹ کے سرپلس میں تاریخ میں پہلی بار ایک ارب ڈالر سے زائد کا اضافہ دیکھنے میں آیا ہے۔
ترسیلات زر میں اضافے سے مارچ کا کرنٹ اکاؤنٹ سرپلس ایک ارب 19 کروڑ ڈالر تک پہنچ گیا۔ کرنٹ اکاؤنٹ کھاتہ مالی سال کے 9 ماہ میں 1 ارب 85 کروڑ ڈالر سرپلس رہا۔
مارچ 2024 میں کرنٹ اکاؤنٹ 36 کروڑ 30 لاکھ ڈالر سے سرپلس تھا۔
بیرون ملک مقیم پاکستانیوں کی ریکارڈ ماہانہ ورکرز ترسیلات سے مارچ کا کرنٹ اکاؤنٹ سرپلس ریکارڈ 1 ارب 19 کروڑ ڈالر پر پہنچا ہے۔
خیال رہے کہ دنیا بھر میں مقیم پاکستانیوں کی جانب سے بھیجی گئی ترسیلات زر کا حجم پہلی بار 4 ارب ڈالر کی حد عبور کرگیا۔
اسٹیٹ بینک کی جانب سے جاری اعلامیے میں کہا گیا کہ مارچ 2025 کے دوران ترسیلاتِ زر کا حجم 4.1 ارب امریکی ڈالر رہا، جس نے پہلی بار اس حد کو عبور کیا ہے۔
مارچ میں کرنٹ اکاؤنٹ سرپلس رہنے کی وجہ یہ بھی ہے کہ پاکستان نے مارچ میں دنیا سے 2 فیصد کم 4 ارب 94 کروڑ ڈالر کا سامان خریدا اور دنیا کو 6 فیصد زائد 2 ارب 76 کروڑ ڈالر کا سامان بیچ کر ماہانہ بنیاد پر تجارتی خسارہ 11 فیصد کم کیا ہے۔
بیرونی ادائیگیوں کے مسئلے کے حل کے لیے ملکی درآمدات کو قابو میں رکھا گیا تھا، لیکن اس سال درآمدات 11 فیصد بڑھنے کے باوجود کرنٹ اکاؤنٹ کھاتہ سرپلس ہے، جس کی ایک وجہ برآمدات کا 8 فیصد بڑھنا بھی ہے۔
مالی سال کے 9 ماہ میں ورکر ترسیلات 33 ارب ڈالر رہی ہیں جو ایک سال میں ایک تہائی فیصد بڑھی ہیں، جس کی وجہ سے پاکستان کا کرنٹ اکاؤنٹ خسارہ 9 مہینوں کی ادائیگیوں کے بعد بھی ایک ارب 85 کروڑ ڈالر سرپلس ہے، جوگئے مالی سال کے اسی عرصے میں ایک ارب 65 کروڑ ڈالر خسارے میں تھا۔

1 Billion DollarsCountry Current Account SurplusFirst time in historyincrease
  • خاص خبریں
  • کاروبار
شئیر کریں
متعلقہ اشاعت

نئے بجٹ میں الیکٹرک گاڑیوں کیلئے ای وی فنڈز قائم کرنے کا فیصلہ

کراچی میں 14 گھنٹوں کی بدترین لوڈشیڈنگ، شہریوں کا بُرا حال

بیٹی کی پیدائش کے بعد کرن اشفاق نے وزن کم کرنے کی وجہ بتادی

بھارتی فوج کا پاکستان کے ہاتھوں اپنے لڑاکا طیاروں کی تباہی کا اعتراف

ساحل پر جانے کے دماغی صحت کے لیے حیرت انگیز فوائد

حکومت پاکستان کا عیدالاضحیٰ پر 4 روز کی تعطیلات کا اعلان

کراچی میں لٹیرے شہری سے 3 دنبے اور رکشا چھین کر فرار

تبصرے (0)
کمینٹ شامل کریں
  • صحت
  • انٹرٹینمنٹ
  • کھیل
  • کاروبار
  • عالمی خبریں
  • پاکستان
ڈیسک ٹاپ ورژن دیکھیں