کراچی میں نوجوان کی بیوی کی وفات کے غم میں خودکشی

کراچی: آئل ٹینکر کے ڈرائیور نے شاہ لطیف ٹاؤن میں گلے میں پھندا لگاکر خودکشی کرلی۔
ایس ایچ او شاہ لطیف ٹاؤن محمد مٹھل نے بتایا کہ مرنے والے کی شناخت 30 سالہ محمد شہباز ولد محمد شریف کے نام سے ہوئی، جو آئل ٹینکر کا ڈرائیور تھا، اس نے ہفتے کی صبح 9 بجے ٹینکر میں پھندا لگاکر زندگی کا خاتمہ کرلیا۔
متوفی اس علاقے میں چوکنڈی قرستان کے عقب کا رہائشی تھا، اس کی بیوی کا کچھ عرصے قبل انتقال ہوگیا تھا، جس کی وجہ سے وہ بہت بے پناہ پریشان تھا، اپنے بھائی سے کہتا تھا، میں بھی اپنی زندگی سے تنگ آچکا۔ پولیس نے قانونی کارروائی کے بعد لاش ورثا کے حوالے کردی۔