اسٹاک ایکسچینج: 100 انڈیکس 92 ہزار کی نئی تاریخی حد پر پہنچ گیا

کراچی: ایک اور تاریخی موڑ، پاکستان اسٹاک ایکسچینج 100 انڈیکس نے 92 ہزار کی نئی تاریخ ساز حد عبور کرلی۔
کاروباری ہفتے کے پہلے روز پاکستان اسٹاک ایکسچینج 100 انڈیکس میں کاروبار کے آغاز سے ہی مثبت شروعات دیکھنے میں آئی اور انڈیکس نے 92 ہزار کی نئی عبوری حد کو چھو لیا۔
ایک موقع پر 100 انڈیکس 1143 پوائنٹس اضافے سے 92003 کی سطح پر ٹریڈ کرتا دیکھا گیا۔
گزشتہ کاروباری ہفتے کے آخری روز 100 انڈیکس میں کاروبار کا اختتام 1893 پوائنٹس اضافے سے 90 ہزار 859 پوائنٹس پر ہوا تھا۔