دبئی: ملک کے معروف تاجر اور کراچی چیمبر آف کامرس کے سابق صدر سراج قاسم تیلی دبئی میں انتقال کر گئے۔
سراج قاسم تیلی بزنس مین گروپ (بی ایم جی) کے چیئرمین تھے، انہیں نمونیا کی تشخیص ہوئی تھی اور وہ چند روز سے دبئی کے ایک اسپتال میں زیر علاج تھے۔
سراج قاسم تیلی 17 مئی 1953 کو کراچی میں پیدا ہوئے، انہوں نے ملکی معیشت اور پبلک سروس میں ہمیشہ بڑھ چڑھ کر کردار ادا کیا اوران کی خدمات کے اعتراف میں سابق صدر آصف علی زرداری نے انہیں ستارہ امتیاز سے بھی نوازا تھا۔