معروف ادبی جریدے سہ ماہی اجرا کا شکیل عادل زادہ شایع ہوگیا، جس میں سب رنگ ڈائجسٹ کے مدیر کو خراج تحسین پیش کیا گیا ہے۔
تفصیلات کے مطابق اردو کے مقبول ترین ڈائجسٹ سب رنگ کے مدیر اور ممتاز کہانی کار، شکیل عادل زادہ سے متعلق اجرا نے خصوصی نمبر شایع کیا ہے۔
پرچے کے ایڈیٹر نے وائس آف سندھ کے دفتر میں ادارے کے پراجیکٹ ڈائریکٹر اور معروف فرانزک سائنٹسٹ، ڈاکٹر عمیر ہارون کو پرچہ کی کاپی پیش کی۔ ڈاکٹر عمیر ہارون نے اس نمبر کو اہم کاوش قرار دیا۔
پرچے میں شکیل عادل زادہ کی آپ بیتی، یادگار انٹرویوز، نایاب تصاویر اور مشاہیر کے خطوط شامل ہیں، تین سو آٹھ صفحات کے اس پرچے کی قیمت پانچ سو روپے ہے۔
اس کے علاوہ اردو کے قد آور لکھاریوں نے شکیل عادل زادہ کو خراج تحسین پیش کیا ہے۔ سب رنگ کے ٹائٹلز بھی اس کتاب کا حصہ ہیں۔