چھوٹی بیٹی کے ہاتھوں شاہد آفریدی کا میک اپ، ویڈیو وائرل

کراچی: سب سے چھوٹی بیٹی عروہ آفریدی کے ہاتھوں اپنے والد سابق کرکٹ اسٹار شاہد آفریدی کی میک اپ کروانے کی ویڈیو وائرل ہوگئی۔
سوشل میڈیا پر ایک ویڈیو سامنے آئی ہے، جس میں سابق کپتان شاہد آفریدی کو چھوٹی بیٹی سے لپ اسٹک اور بلش آن لگواتے دیکھا جاسکتا ہے۔
وائرل ویڈیو میں شاہد آفریدی لیٹے ہوئے بیٹی سے محو گفتگو ہیں، سابق کپتان بیٹی سے مخاطب ہوتے ہوئے کہتے ہیں کہ آپ نے مجھے لپ اسٹک لگادی ہے اب کیا لگارہی ہیں؟ جس پر ان کی بیٹی بلش آن برش اٹھائے، ان سے کہتی ہیں کہ میں آپ کو بلش آن لگارہی ہوں۔

ویڈیو میں عروہ کو سابق کپتان کی داڑھی، ماتھے اور گالوں پر بلش آن لگاتے دیکھا جاسکتا ہے، ساتھ ہی وہ اپنے بابا سے کہتی ہیں، بابا میں ناراض ہوجاؤں گی اگر آپ نے منہ دھویا تو۔
وائرل ویڈیو میں ان کی بیٹی معصومیت سے ان سے کہتی ہے، میں آپ کو یہ اس لیے لگارہی ہوں کہ آپ سب کو ڈرائیں، جس پر آفریدی بیٹی سے کہتے ہیں آپ کیوں چاہتی ہیں میں سب کو ڈراؤں، بیٹی کہتی ہیں، میں چاہتی ہوں آپ پرنسز لگیں، جس پر آفریدی کہتے ہیں پرنسز تو میری آپ ہیں۔
یہ ویڈیو انتہائی تیزی کے ساتھ سوشل میڈیا پر وائرل ہوگئی ہے۔ صارفین کی جانب سے باپ، بیٹی کی اس مختصر ویڈیو کو خوب سراہا جارہا ہے۔