کراچی: انگلینڈ کے خلاف سیریز میں آرام دیے جانے کے باعث پاکستان کے صف اول کے فاسٹ بولر شاہین آفریدی اپنے نومولود بیٹے کے ساتھ وقت گزار رہے ہیں۔
شاہین شاہ آفریدی نے جمعرات کو اپنے بیٹے کے ساتھ خوبصورت تصویر شیئر کی جو سوشل میڈیا پر تیزی سے وائرل ہوگئی۔
انسٹاگرام پر شیئر کردہ اس تصویر میں کرکٹر نے اپنے بیٹے کو سینے پر لٹا رکھا ہے جب کہ بچے کا چہرہ مکمل دکھائی نہیں دے رہا۔
اس تصویر پر شاہین کی جانب سے لکھے جانے والا کیپشن مداحوں کی توجہ کا مرکز بنا۔
شاہین نے لکھا کہ میں سکون میں ہوں، سوشل میڈیا پر وائرل اس تصویر پر صارفین کی جانب سے تبصرے کیے جارہے ہیں جب کہ شاہین اور عالیار سمیت ان کی فیملی کے لیے نیک خواہشات کا بھی اظہار کیا جارہا ہے۔
خیال رہے کہ شاہین اور انشا آفریدی کے ہاں عالیار کی پیدائش اگست میں ہوئی تھی۔