راولپنڈی: کیپٹن کرنل شیر خان شہید اور حوالدار لالک جان شہید کی 21 ویں برسی کے موقع پر صوابی خیبرپختونخوا اور غذر گلگت بلتستان میں خصوصی دعائیہ تقاریب کا اہتمام کیا گیا۔ آرمی چیف جنرل قمر جاوید باجوہ کی جانب سے حوالدار لالک جان کی قبر پر پھول چڑھائے گئے۔
آئی ایس پی آر کے مطابق تقاریب میں پاکستان کی سالمیت اور خودمختاری کے لیے دھرتی پر جان نچھاور کرنے والے بیٹوں کو زبردست خراج عقیدت پیش کیا گیا۔
کمانڈر ایف سی این اے میجر جنرل احسان محمود خان نے لالک جان شہید اور کمانڈنٹ پنجاب رجمنٹل سینٹر نے کرنل شیر خان شہید کی قبر پر پھول چڑھائے، مختلف مکاتب فکر، سول و فوجی حکام نے شہداء کی قبروں پر حاضری دی۔