سائنس دانوں نے اسٹار فش کے سر کا سراغ لگالیا

کیلیفورنیا: اسٹار فِش کا سر جس کے متعلق اب تک سائنس دان معلوم نہیں کرسکے تھے، اس حوالے سے بڑی کامیابی ملی ہے اور اس کا سر سائنس دانوں نے بالآخر ڈھونڈ نکالا ہے۔
اسٹینفورڈ کی جانب سے کیے گئے ایک نئے مطالعے میں اسٹار فش کے جسم کا 3D نقشہ بنانے کے لیے جینیاتی اور مالیکیولر ٹولز کا استعمال کیا گیا۔ محققین نے پایا کہ اسٹار مچھلی کا سر کسی ایک جگہ پر نہیں ہے۔ اس کا سر اسٹار فِش کے بالکل درمیان میں اور اس کے جسم کے ہر عضو کے بیچ میں کچھ نہ کچھ تقسیم ہے۔
پوسٹ ڈاک یونیورسٹی آف کیلی فورنیا اور اسٹینفورڈ اسکول آف ہیومینٹیز اینڈ سائنسز میں کرسٹوفر لو کی لیبز میں سرکردہ مصنف ڈینیئل ایس روکسار نے بتایا کہ اسٹار فِش کے سر سے متعلق جواب ہماری توقع سے کہیں زیادہ پیچیدہ ہے، یہ بہت عجیب ہے اور غالباً اس گروپ کی دیگر سمندری مخلوقات کا ارتقاء اس سے بھی زیادہ پیچیدہ ہے۔