ریاض: سعودی عرب کے شہزادے عبدالعزيز بن مشعل بن عبدالعزيز آل سعود انتقال کرگئے۔
سعودی پریس ایجنسی کے مطابق ایوان شاہی کی جانب سے اعلان میں کہا گیا کہ شہزادہ عبدالعزیز بن مشعل بن عبدالعزیز آل سعود انتقال کرگئے ہیں۔
ایوان شاہی کے مطابق شہزادہ عبدالعزيز بن مشعل کی نماز جنازہ آج منگل کو ریاض میں جامع مسجد امام ترکی بن عبداللہ میں عصر کی نماز کے بعد ادا کی جائے گی۔
ایوان شاہی نے مرحوم کے لیے رحمت و مغفرت اور درجات کی بلندی کی دعا کی ہے۔