جہلم: معروف مذہبی اسکالر انجینئر محمد علی مرزا کو گرفتار کرلیا گیا۔
نجی ٹی وی کے مطابق محمد علی مرزا کو جہلم کے تھانہ سٹی پولیس نے تھری ایم پی او کے تحت گرفتار کیا ہے۔
پولیس کے مطابق محمد علی مرزا کو جہلم کی اکیڈمی سے گرفتار کرنے کے بعد جیل منتقل کردیا گیا ہے۔
ذرائع کے مطابق انجینئر محمد علی مرزا کے خلاف مذہبی جماعتوں کی طرف سے درخواست دائر کی گئی تھی جب کہ مختلف علماء کرام کے وفود نے آج ضلعی انتظامیہ سے ملاقاتیں کی تھیں۔
علماء کرام کی طرف سے محمد علی مرزا کی گرفتاری کا مطالبہ کیا گیا تھا۔