کراچی و سندھ کے دیگر شہروں میں 22 جنوری کو بارش کی پیش گوئی

کراچی: محکمۂ موسمیات کی جانب سے 22 جنوری کو کراچی سمیت سندھ کے مختلف شہروں میں بارش کی پیش گوئی کردی گئی۔
محکمۂ موسمیات نے صوبائی دارالحکومت سمیت سندھ کے مختلف شہروں میں بارش کی پیش گوئی کی ہے۔
محکمۂ موسمیات کے مطابق مغربی ہواؤں کا سلسلہ 22 جنوری کو سندھ کو اپنی لپیٹ میں لے سکتا ہے، اس سسٹم کے تحت جامشورو، دادو، ٹھٹھہ، سجاول اور حیدرآباد میں جمعرات کو گرج چمک کے ساتھ بارش کا امکان ہے۔
اس کے علاوہ ٹنڈو محمد خان، ٹنڈو الٰہ یار، سانگھڑ، میرپورخاص، عمرکوٹ اور نوشہروفیروز میں بھی ہلکی بارش متوقع ہے۔
شہید بے نظیرآباد، خیرپور، سکھر، گھوٹکی، جیکب آباد اور لاڑکانہ میں بھی 22 جنوری کو ہلکی بارش کا امکان ہے۔
محکمۂ موسمیات کے مطابق اس سسٹم کی وجہ سے کراچی میں 22 جنوری کو ہلکی سے درمیانی شدت کی بارش ہوسکتی ہے۔