اسلام آباد: پاکستان تحریک انصاف (پی ٹی آئی) نے عبدالقیوم نیازی کو وزیر اعظم آزاد کشمیر کے لیے نامزد کر دیا۔
وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر لکھا کہ نومنتخب ایم ایل اے عبدالقیوم نیازی کو وزیراعظم آزادکشمیرکے لے پی ٹی آئی کا امیدوار نامزد کیا گیا ہے۔
انہوں نے کہا کہ عبدالقیوم نیازی کی نامزدگی طویل مشاورت اور تجاویز کے بعد وزیر اعظم عمران خان نے کی۔
فواد چوہدری نے کہا کہ عبالقیوم نیازی ایک متحرک اور حقیقی سیاسی کارکن ہیں اور عبدالقیوم نیازی کا دل کارکنوں کے ساتھ دھڑکتا ہے۔