اسلام آباد: وزیر اعظم عمران خان آج کراچی کا ایک روزہ دورہ کریں گے۔
وزیر اعظم کے دورہ کراچی میں وفاقی وزرا اور پارٹی کی سینئر قیادت ان کے ہمراہ ہوں گی۔ وزیر اعظم کو کراچی میں جاری وفاقی منصوں پر بریفنگ دی جائے گی۔
وزیر اعظم عمران خان کراچی میں پاکستان نیوی کی تقریب میں شرکت کریں گے اور وزارت بحری امور کے تحت منعقدہ اجلاس کی صدارت کریں گے۔ جس میں وزارت بحری امور کے تحت جاری منصوبوں پر بریفنگ دی جائے گی۔
وزیر اعظم سے پارٹی رہنماؤں کی ملاقاتیں بھی شیڈول میں شامل ہیں۔ عمران خان بلوچستان کے ضلع لسبیلہ میں گرین پاکستان کی تقریب میں شریک ہوں گے