اسلام آباد: معروف علمی و ادبی شخصیت اور پاکستان مسلم لیگ (ن) کے سینیٹر عرفان صدیقی مختصر علالت کے بعد انتقال کرگئے۔
نجی ٹی وی کے مطابق سینیٹر عرفان صدیقی کے بیٹے عمران صدیقی نے اپنے والد کے انتقال کی تصدیق کی۔
انہوں نے اپنے والد کے سوشل میڈیا اکاؤنٹ پر لکھا کہ سینیٹر عرفان صدیقی وفات پا گئے۔
انہوں نے لکھا کہ میرے استاد، محبت کے پیکر عرفان صدیقی کے انتقال پر دل انتہائی بوجھل اور افسردہ ہے۔ انہوں نے اپنے والد کی درجات کی بلندی کے لیے دعا بھی کی۔
نجی ٹی وی سے گفتگو کرتے ہوئے عمران صدیقی نے بتایا کہ عرفان صدیقی کی تدفین ایچ الیون قبرستان میں کی جائے گی۔
صدر مملکت، وزیراعظم، وزیر داخلہ، وفاقی وزرا، ن لیگ کے قائدین، نواز شریف اور دیگر سیاسی شخصیات نے عرفان صدیقی کے انتقال پر دکھ اور افسوس کا اظہار کرتے ہوئے کہا کہ اُن کے جانے سے ایک بڑا خلا پیدا ہوگیا۔
خیال رہے کہ گزشتہ روز خبر آئی تھی کہ سینیٹر عرفان صدیقی کو طبیعت ناسازی کے باعث اسپتال منتقل کیا گیا ہے، جس کے بعد رات گئے یہ ذرائع سے خبر بھی سامنے آئی تھی کہ انہیں وینٹی لیٹر پر منتقل کیا گیا ہے۔