ممبئی: بھارتی ریاست مہاراشٹرا میں طیارے کی کریش لینڈنگ کے نتیجے میں نائب وزیراعلیٰ اجیت پوار ہلاک ہوگئے۔
بھارتی میڈیا کے مطابق طیارے کو حادثہ ضلع پونے کے علاقے بارہ متی میں پیش آیا اور حادثے کا شکار ہونے والے چارٹرڈ طیارے میں مہاراشٹرا کے نائب وزیراعلیٰ اجیت پوار بھی سوار تھے۔
بھارتی میڈیا رپورٹس میں بتایا گیا کہ طیارے میں اجیت پوار کے دو ساتھی اور عملے کے 2 ارکان بھی سوار تھے، ابتدائی اطلاعات کے مطابق طیارے میں سوار افراد میں سے کوئی زندہ نہیں بچ سکا۔
میڈیا رپورٹس کے مطابق حادثے کی وجوہ تاحال سامنے نہیں آسکی ہیں، تاہم متعلقہ اداروں نے حادثے کی وجوہ جاننے کے لیے تحقیقات شروع کر دی ہیں۔