بنگلورو: بھارت کے کاغذی شیر، ٹیسٹ میچ میں نیوزی لینڈ کے خلاف محض 46 رنز پر ڈھیر ہوگئے، نیوزی لینڈ اور بھارت کے درمیان تین ٹیسٹ میچز کی سیریز کا پہلا میچ بنگلورو میں کھیلا جارہا ہے جس کے دوسرے دن پوری بھارتی ٹیم صرف 46 رنز بناکر آؤٹ ہوگئی۔
بھارتی ٹیم نے ٹاس جیت کر بیٹنگ کا فیصلہ کیا تھا لیکن کیوی بولر بھارتی ٹیم کے لیے ڈراؤنا خواب ثابت ہوئے۔
ویرات کوہلی سمیت 5 کھلاڑی صفر پر آؤٹ ہوئے جن میں سرفراز خان، کے ایل راہول، رویندرا جڈیجا اور روی چندر ایشون شامل ہیں جب کہ رشبھ پنت نے بھارت کی جانب سے سب سے زیادہ 20 رنز اسکور کیے۔
یہ ٹیسٹ کرکٹ میں بھارت کا تیسرا کم ترین اسکور ہے، اس کے علاوہ بھارتی کرکٹ ٹیم کا یہ ہوم گراؤنڈ پر کم ترین اسکور ہے۔
نیوزی لینڈ کے فاسٹ بولر میٹ ہینری نے 5 کھلاڑیوں کو آؤٹ کیا۔