مکۃ المکرمۃ: پاکستان کرکٹ ٹیم کے فاسٹ بولر محمد وسیم جونیئر بھی شادی کے بندھن میں بندھ گئے۔
محمد وسیم جونیئر نے یہ خوشی کی خبر اپنے مداحوں کو انسٹاگرام پر دی اور اہلیہ کے ساتھ تصاویر بھی جاری کیں۔
تصاویر میں وسیم کو اپنی دُلہن کا ہاتھ تھامے دیکھا جاسکتا ہے جب کہ دونوں سعودی عرب کے ایک ہوٹل میں موجود ہیں، جہاں سے بظاہر خانہ کعبہ بھی دکھائی دے رہا ہے۔
ایک اور تصویر میں وسیم اہلیہ کے ساتھ احرام باندھے خانہ کعبہ کے سامنے کھڑے نظر آرہے ہیں۔
وسیم کی انسٹاگرام پوسٹ کے بعد ساتھی کرکٹرز کی جانب سے انہیں مبارک باد دینے کا سلسلہ شروع ہوگیا ہے۔
شاداب خان اور عامر جمال نے وسیم جونیئر کو مباک باد دیتے ہوئے ان کے لیے نیک تمناؤں کا اظہار کیا۔