پاکستان پر سیمی فائنل کے دروازے بند، ورلڈکپ کی دوڑ سے باہر

کولکتہ: آئی سی سی ورلڈکپ میں پاکستان کا سفر تمام ہوا، اور پاکستان اس میگا ایونٹ سے باہر ہوگیا، اس کے بعد سوشل میڈیا پر دلچسپ میمز کا طوفان آگیا۔
انگلینڈ کے کپتان جوز بٹلر نے ٹاس جیت کر پہلے بیٹنگ کا فیصلہ کیا۔
ایڈن گارڈنز میں پاکستان اور انگلینڈ کی ٹیمیں مدمقابل ہیں، تاہم اس میچ میں گرین شرٹس کو اپنا نیٹ ریٹ بہتر کرنے کے لیے پہلے بیٹنگ درکار تھی، تاہم جوز بٹلر نے ٹاس جیت کر پہلے بیٹنگ کرنے کا فیصلہ کیا اور پاکستان کے لیے سیمی فائنل کے دروازے بند کردیے۔
قومی ٹیم اگر انگلینڈ کو 50 رنز پر آل آؤٹ کرے تو انہیں 2 اوورز میں ٹارگٹ تک پہنچنا ہوگا۔
اگر انگلش ٹیم کو 100 رنز تک سمیٹ دیا تو 2.5 اوورز میں۔
انگلینڈ کی ٹیم اگر 150 بنانے میں کامیاب ہوئی تو پاکستان کو 3.4 اوورز میں رنز بنانے ہوں گے۔
اگر انگلش ٹیم 200 رنز بنالیتی ہے تو گرین شرٹس کو ہدف 4.3 اوورز میں حاصل کرنا ہوگا۔
آخری چانس یہ ہے کہ اگر انگلینڈ 300 رنز بنانے میں کامیاب ہوا تو پاکستان کو 6.1 اوورز میں ٹارگٹ تک پہنچنا ہوگا۔
دوسری جانب میگا ایونٹس کے کوالیفائی کرنے کے چانسز ختم ہونے پر صارفین سوشل میڈیا پر دلچسپ میمز شیئر کررہے ہیں۔۔