لاہور: بھارت میں جونیئر ورلڈکپ کے حوالے سے تحفظات کا اظہار کرتے ہوئے پاکستانی ہاکی فیڈریشن نے میچز نیوٹرل مقام پر کروانے کا مطالبہ کردیا۔
نجی ٹی وی کو ذرائع سے ملنے والی اطلاع کے مطابق پاکستان ہاکی فیڈریشن نے انٹرنیشنل ہاکی فیڈریشن کو خط لکھ دیا، جس میں بھارت میں جونیئر ورلڈکپ کے حوالے سے اپنے تحفظات کا اظہار کیا ہے۔
خط میں کھلاڑیوں کے حوالے سے سیکیورٹی خدشات اور تحفظات کا اظہار کیا گیا ہے جب کہ پاکستان ہاکی فیڈریشن نے مطالبہ کیا کہ پاکستان کے میچز بھارت کے بجائے نیوٹرل مقام پر منعقد کیے جائیں۔
جونیئر ہاکی ورلڈکپ رواں سال 28 نومبر سے بھارت میں شروع ہوگا اور اس میچ بھارت کے مختلف مقامات پر منعقد ہوں گے۔