راولپنڈی: پاکستان کرکٹ بورڈ کی انتظامیہ نے فیصلہ کیا کہ 12 ربیع الاول کے موقع پر قومی کھلاڑی بھی اس مبارک دن میں اپنی شرکت کو یقینی بنائیں۔
اس سلسلے میں پاکستان اور زمبابوے کے مابین راولپنڈی کرکٹ اسٹیڈیم میں کھیلے جانے والے پاک زمبابوے سیریز سے قبل تمام کھلاڑی اسلام آباد کے ایک نجی ہوٹل میں جمع ہوئے اور محفل میلاد میں شرکت کی اور خصوصی طور پر ملکی سلامتی اور خوش حالی کے لیے دعا کی۔
اس موقع پر کھلاڑی اور ٹیم آفیشلز انتہائی خوش دکھائی دیے اور مسرت کا اظہار کیا۔ پاکستان کرکٹ ٹیم کی کیمپ میں عید میلادالنبی ﷺ کی مناسبت سے تقریب منعقد کی گئی، جس میں تمام کھلاڑیوں اور ٹیم مینجمنٹ نے میدان میں جانے سے قبل ہوٹل میں شرکت کی۔ اس تقریب میں نعت رسول مقبول ﷺ بھی پڑھی گئی اور ملک و قوم کی سلامتی کے لیے دعا بھی کی گئی۔