کراچی، اومیکرون زدہ خاندان سے رابطے میں رہنے والوں کا بھی ٹیسٹ ہوگا

کراچی: شہر قائد میں ایک ہی خاندان کے 11 افراد میں اومی کرون وائرس کی تصدیق کے بعد متاثرہ افراد سے رابطے میں آنے والوں کے بھی ٹیسٹ کرانے کا فیصلہ کیا گیا ہے۔
حکام کے مطابق محکمہ صحت کی ٹیم متاثرہ افراد کے گھر پہنچی اور متاثرہ افراد سے اہل خانہ اور رابطے میں آنے والوں کا ڈیٹا لیا گیا۔
محکمہ صحت کے مطابق تمام افراد کی کورونا ٹیسٹنگ اور رپورٹ مثبت آنے کی صورت میں سیکوینسنگ کی جائے گی۔
محکمہ صحت کے حکام کا بتانا ہے کہ متاثرہ افراد گلشن اقبال بلاک 7 کے رہائشی ہیں جنہیں گھر میں ہی قرنطینہ کردیا گیا ہے جب کہ علاقے میں اسمارٹ لاک ڈاؤن کی بھی سفارش کی گئی ہے۔