سری نگر: مقبوضہ کشمیر پر قابض انتظامیہ نے 48 سیاحتی مقامات کو بند کردیا۔
نجی ٹی وی کے مطابق مقبوضہ کشمیر کی قابض بھارتی انتظامیہ نے مقبوضہ جموں کشمیر کے 87 میں سے 48 پبلک پارکس بند کردیے ہیں۔
بھارتی حکام کا کہنا ہے کہ آنے والے دنوں میں مزید سیاحتی مقامات بند کرکے فہرست میں شامل کیے جاسکتے ہیں۔
دوسری جانب بھارت کی مختلف ریاستوں میں مقبوضہ کشمیر سے تعلق رکھنے والے طلبہ، ملازمین اور تاجروں کو ہراسانی کا سامنا کرنا پڑرہا ہے، جس کی وجہ سے متعدد کشمیری بھارت چھوڑ کر سری نگر جانے پر مجبور ہوگئے ہیں۔
بھارتی ریاستوں مہاراشٹرا، ہریانہ اور ہماچل میں 2 ہزار کشمیری گھروں اور دفاتر میں محصور ہیں۔
نجی ٹی وی سے گفتگو کرتے ہوئے کشمیری طلبہ نے بتایا کہ بھارت میں محصور کشمیری محفوظ راستے سے سری نگر جانے کے لیے کوشاں ہیں، ہم 5 دن سے گھر نہیں جاسکے۔