دودوما: افریقا سے تعلق رکھنے والا شخص سوشل میڈیا پر 16 بیویوں اور سو بچے ہونے کی وجہ سے توجہ کا مرکز بن گیا۔
تنزانیہ کے چھوٹے سے گاؤں سے تعلق رکھنے والا شہری جس کا نام مزی ارنسٹو (Mzee Ernesto) ہے، نے 16 خواتین سے شادی کی ہے اور اس سے ان کے 100 سے زائد بچے اور 144 پوتے بھی ہیں۔
آج کل دو یا تین سے زیادہ بچوں کی دیکھ بھال کرنا نوجوانوں کی اکثریت کے لیے بوجھ ہے، لیکن پھر مزی ارنسٹو جیسے لوگ بھی ہیں جنہوں نے اپنی زندگی اپنے خاندان کو زیادہ سے زیادہ بڑھانے کے لیے وقف کردی۔
ان کا گھر ایک چھوٹے سے گاؤں کی طرح لگتا ہے، جس میں ان کی ہر بیوی کے لیے ایک الگ گھر ہے اور وہاں موجود لوگ جگہ کام کاج کرتے ہیں اور درجنوں چھوٹے بچوں کی دیکھ بھال کرتے ہیں۔
حالیہ انٹرویو میں مزی نے کہا کہ انہوں نے اپنے والد کی درخواست پر اپنے خاندان کو بڑھانا شروع کیا۔
انہوں نے اپنی پہلی بیوی سے 1961 میں شادی کی اور اس کے ایک سال بعد اس کا پہلا بچہ ہوا، لیکن ان کے والد نے انہیں بتایا کہ ایک بیوی کافی نہیں ہے۔
بیٹے نے بتایا کہ والد نے شادی کا تمام بوجھ اٹھانے کی پیشکش کی، اس شرط پر وہ زیادہ بیویاں رکھنے اور زیادہ بچے پیدا کرنے پر راضی ہوگئے۔