نیویارک، رہائشی عمارت میں آگ لگنے سے 19 افراد ہلاک

نیویارک: امریکا میں آگ لگنے کا واقعہ پیش آیا ہے، نیویارک کے ایک اپارٹمنٹ کی عمارت میں آگ لگنے سے 9 بچوں سمیت کم از کم 19 افراد ہلاک ہوگئے۔
نیویارک کی 19 منزلہ رہائشی عمارت کی تیسری منزل پر آگ لگنے سے 9 بچوں سمیت 19 افراد ہلاک ہوگئے جب کہ آگ اس قدر خوف ناک تھی جس کے شعلے کھڑکیوں سے باہر نکل رہے تھے۔

نیویارک کے میئر ایرک ایڈمز کے مطابق آگ سے جھلس کر 32 افراد زخمی بھی ہوئے، جن میں سے کئی کی حالت تشویش ناک ہے۔
دوسری جانب فائر ڈیپارٹمنٹ کے کمشنر نے کہا کہ آگ بجلی کے ہیٹر کی خرابی کی وجہ سے بھڑکی جب کہ نیویارک میں 30 سال میں سب سے زیادہ ہلاکتیں دیکھنے میں آئی ہیں، تاہم امدادی کارروائیاں جاری ہیں۔