نیلم منیر کے ولیمے کی تصاویر تیزی سے وائرل

کراچی: پاکستان سے تعلق رکھنے والی معروف اداکارہ نیلم منیر، اپنی خوبصورتی اور شاندار اداکاری کے باعث شائقین کے دلوں میں ایک خاص مقام رکھتی ہیں۔
حال ہی میں نیلم منیر رشتہ ازدواج سے منسلک ہوئی ہیں اور ان کی مہندی، نکاح اور برات کی تصاویر سوشل میڈیا پر گردش کررہی تھیں۔ اب اداکارہ نے اپنے ولیمے کی تصاویر بھی سوشل میڈیا پر شیئر کردی ہیں، جنہیں مداحوں کی جانب سے بے حد پسند کیا جارہا ہے۔

دولہا محمد راشد نے ولیمے کے دن کالی شیروانی زیب تن کر رکھی ہے جب کہ نیلم چمک دار سلور گرے لباس میں نہایت حسین لگ رہی ہیں۔ یہ جوڑا اپنی خوبصورت تصاویر میں بے حد پُرکشش نظر آرہا ہے اور ان کی تصویریں سوشل میڈیا پر شائقین کی توجہ کا مرکز بن بنی ہوئی ہیں۔
خیال رہے کہ یہ قیاس آرائیاں کی جارہی تھیں کہ نیلم منیر نے کسی اماراتی سے شادی کی ہے، تاہم اب یہ معلوم ہوا ہے کہ ان کے شوہر کا تعلق پاکستان سے ہی ہے۔