نیلم منیر کی پسند کی شادی، شوہر دبئی پولیس سی آئی ڈی ڈپارٹمنٹ میں ملازم ہیں

کراچی: پاکستان کے ڈراموں اور فلم کی صف اول کی اداکارہ نیلم منیر کی شادی کی تصاویر سامنے آنے کے بعد سے ہر طرف ان کے خوب چرچے ہورہے ہیں اور مداح ان کے دولہا سے متعلق جاننے کے لیے بے تاب نظر آرہے ہیں۔
تاہم اب ان کے شوہر سے متعلق تمام معلومات بھی سامنے آچکی ہیں ۔ معروف یوٹیوبر یاسر شامی نے اپنی ایک ویڈیو میں نیلم منیر کے شوہر سے متعلق معلومات فراہم کی ہیں۔
ان کے مطابق، نیلم منیر کے شوہر کا نام محمد راشد ہے، جو دبئی پولیس کے سی آئی ڈی ڈپارٹمنٹ میں ملازم ہیں۔ یہ شادی پسند کی ہے یوٹیوبر کی جانب سے یہ بھی دعویٰ کیا گیا ہے کہ یہ تقریب گزشتہ ماہ منعقد ہوئی، جس کی تصاویر اب سامنے آئی ہیں۔
یوٹیوبر یاسر شامی کے مطابق دبئی پولیس اہلکاروں کی تنخواہیں تجربے کے لحاظ سے 13 ہزار درہم سے 22 ہزار درہم تک ہوتی ہیں، جو پاکستانی کرنسی میں قریباً 10 لاکھ سے 17 لاکھ روپے بنتی ہیں۔
خیال رہے کہ دبئی عام طور پر غیر ملکی دلہنوں کو شہریت نہیں دیتا، لیکن انہیں گولڈن ویزا دیا جاتا ہے، جو مستقبل میں شہریت میں تبدیل ہوسکتا ہے۔ اگر ان کے بچے ہوں، تو انہیں دبئی کی شہریت ملے گی۔