مفتی قوی اداکاراؤں کی معلومات رکھتے اور خفیہ نگرانی کرتے ہیں، وینا

لاہور: اداکارہ وینا ملک نے مفتی قوی کے بارے میں دلچسپ انکشافات کرڈالے۔
وینا ملک نے حافظ احمد کے پوڈکاسٹ میں گفتگو کے دوران اپنے شوبز کیریئر، بھارت میں بگ باس شو کے تجربے اور دوسری شادی کے امکانات پر بھی بات کی۔
وینا ملک نے بتایا کہ بگ باس کے دوران 56 کیمرے اندر اور باہر ہر وقت سب کچھ ریکارڈ کررہے ہوتے ہیں۔ اس شو کے بعد انہیں کئی دھمکیاں بھی ملیں۔
انہوں نے انکشاف کیا کہ مفتی قوی نے شو کے بعد ان پر تنقید کرتے ہوئے کہا کہ وینا ملک اپنے بچوں کے ساتھ بگ باس دیکھ سکتی ہیں؟ وینا نے جواب دیا کہ ان کے بچے ان کے کام سے بخوبی واقف ہیں اور وہ ان کے ساتھ سب کچھ دیکھ سکتے ہیں۔
وینا ملک نے مزاحیہ انداز میں مزید کہا کہ مفتی قوی ہمیشہ اداکاراؤں کی خفیہ نگرانی میں مصروف رہتے ہیں اور ہر کسی کے بارے میں معلومات رکھتے ہیں۔
انہوں نے ہنستے ہوئے کہا کہ مفتی قوی نے ایک بار انہیں کہا کہ آپ کا حسن و جمال ہے، جس پر وینا نے حیرت سے پوچھا کہ آپ کو میرے حسن و جمال کا کیسے پتا چلا؟