دبئی: سابق مایہ ناز بیٹر اور قومی ٹیم کے بیٹنگ کوچ محمد یوسف نے پاکستان کرکٹ ٹیم کے کپتان بابراعظم کی کی کامیابی کی وجہ بتادی۔
محمد یوسف کا قومی ٹیم کے پریکٹس سیشن کے بعد دبئی میں میڈیا سے گفتگو کرتے ہوئے کہنا تھا کہ شدید گرم موسم اور حبس کے باوجود لڑکے ٹورنامنٹ کے لیے پرجوش ہیں اور ٹیم مینجمنٹ نے پریکٹس سیشن کا پلان بھی اسی مناسبت سے ترتیب دیا ہے۔
محمد یوسف کا کہنا تھا کہ تمام کھلاڑی پروفیشنل ہیں اور ہر قسم کی ممکنہ صورت حال سے اچھی طرح واقف ہیں، ہم نے ایک سخت پریکٹس سیشن کیا اور تمام کھلاڑیوں نے بیٹنگ، بولنگ اور فیلڈنگ میں بھرپور محنت کی۔
محمد یوسف کا کپتان بابراعظم سے متعلق گفتگو کرتے ہوئے کہنا تھا کہ بابر اعظم ایک ورلڈ کلاس بیٹر ہے اور گزشتہ 3 سال کے دوران کرکٹ کے ہر فارمیٹ میں مستقل مزاجی کے ساتھ پرفارمنس اس کا منہ بولتا ثبوت ہے۔
انہوں نے کہا کہ کسی بھی کپتان کے لیے اپنی بیٹنگ اسکلز پر فوکس کرنا کبھی بھی آسان نہیں ہوتا لیکن بابر اعظم کرکٹ کے ہر فارمیٹ میں مسلسل اچھا پرفارم کررہا ہے۔