کراچی: پاکستانی ماڈل عبیر اسد اور ثوبان عمیس نے شادی کے سات ماہ میں ہی علیحدگی کا فیصلہ کرلیا۔
ماڈل عبیر اسد اور ثوبان عمیس کا شمار پاکستان کے کامیاب ماڈلز میں ہوتا ہے، جنہیں بیسٹ ماڈلز کا ایوارڈ بھی مل چکا ہے۔
جوڑے نے رواں سال ماہ فروری میں ہی شادی کی تھی، تاہم ان کی ازدواجی زندگی سے متعلق بری خبر سامنے آئی ہے۔
ثوبان عمیس نے اپنے انسٹاگرام اکاؤنٹ پر ایک اسٹوری شیئر کی اور اپنی اہلیہ ماڈل عبیر اسد کے ساتھ راہیں جدا کرنے کے فیصلے سے آگاہ کیا۔
ثوبان نے لکھا کہ میں نے اور عبیر نے راہیں جدا کرنے کا فیصلہ کیا ہے، عبیر کے ساتھ نیک تمناؤں کے علاوہ کچھ نہیں کہہ سکتا۔
ثوبان نے مزید لکھا کہ طلاق کا عمل ابھی باقی ہے لیکن فیصلہ کیا جاچکا ہے۔
سوشل میڈیا صارفین کی جانب سے ثوبان عمیس کی اس اسٹوری پر تبصروں کا سلسلہ جاری ہے جب کہ عبیر اسد کی جانب سے اس حوالے سے خاموشی اختیار کی گئی ہے۔