لاہور: انٹرنیشنل مکسڈ مارشل آرٹس فائٹس کا لاہور میں منعقدہ میلہ پاکستانی فائٹرز نے لوٹ لیا۔
فیدر ویٹ (Featherweight) کیٹگری میں پاکستانی فائٹر محموش رضا نے بھارتی فائٹر روی ساؤ کو ہراکر ٹائٹل اپنے نام کیا۔
ایونٹ کی بینٹم ویٹ (Bantamweight) کیٹیگری میں پاکستان کے رفیق آفریدی نے بھارت کے پردیپ ہودا کو ہراکر ٹائٹل جیتا۔
دیگر فائٹس میں بھی پاکستانی فائٹرز چھائے رہے، پاکستان کے اعجاز احمد نے بھارتی فائٹر انکیت گجر، مجاہد بیگ نے راج ویر کو شکست دی جب کہ پاکستان کے مصعب آصف نے افغانستان کے واحد احمدی کو ہرایا۔
انٹرنیشنل مکسڈ مارشل آرٹس فائٹس کے دوران 2 فائٹ افغانستان کے فائٹرز کے نام رہیں، افغانستان کے سمیر نصرت اور ایمل صدیقی کامیاب قرار پائے۔