شادی خطرے میں، ڈرامے دیکھنے پر شوہر ناراض ہوتے ہیں، عتیقہ اوڈھو

کراچی: ٹی وی کی سینئر اداکارہ عتیقہ اوڈھو نے انکشاف کیا ہے کہ ان کی ازدواجی زندگی خطرے میں ہے۔
نجی ٹی وی چینل کے شو میں گفتگو کرتے ہوئے عتیقہ اوڈھو نے بتایا کہ میں ان دنوں پاکستانی ڈرامے بڑے شوق سے دیکھتی ہوں، یوں کہیں ہفتہ بھر پاکستانی ڈرامے دیکھنے کی عادت سی ہوگئی ہے۔
انہوں نے کہا کہ میرے شوہر کے ساتھ میرا رشتہ خطرے میں ہے کیوں کہ وہ کہتے ہیں تم دن رات ہر وقت ڈرامے دیکھتی رہتی ہو، تمہارے پاس مجھ سے بات کرنے کا وقت نہیں۔
دھیان رہے کہ عتیقہ اوڈھو کی پہلی شادی 15 برس کی عمر میں ہوئی تھی جو 10 برس چل سکی، اس کے بعد انہوں نے اپنی مرضی سے دوسری شادی کی تھی مگر وہ بھی کامیاب نہ ہوسکی۔
اداکارہ اپنی مسلسل دو شادیوں میں ناکامی کے بعد جون 2012 میں ثمر علی خان سے رشتۂ ازدواج میں منسلک ہوئیں۔
ڈاکٹر ثمر علی خان 2013 سے 2018 تک رکن سندھ اسمبلی رہ چکے ہیں۔