ڈیونیڈن: پاکستان نے نیوزی لینڈ کے خلاف تیسرے ٹی 20 میچ کے لیے پلیئنگ الیون کا اعلان کردیا۔
ڈیونیڈن میں شیڈول تیسرے ٹی 20 میچ سے قبل قومی ٹیم میں تین تبدیلیاں کی گئی ہیں، عباس آفریدی انجری کے باعث تیسرے میچ سے باہر ہوگئے ہیں جب کہ ان کی جگہ زمان خان کو موقع دیا جائے گا۔
اسامہ میر کی جگہ محمد نواز جب کہ عامر جمال کی جگہ محمد وسیم جونیئر ٹیم میں شامل ہوں گے۔
تیسرے ٹی ٹوئنٹی کے لیے اعلان کردہ پلیئنگ الیون میں کپتان شاہین شاہ آفریدی، محمد رضوان، صائم ایوب، بابر اعظم، فخر زمان، افٹخار احمد، اعظم خان، محمد وسیم جونیئر، محمد نواز، حارث روف، زمان خان شامل ہوں گے۔
خیال رہے کہ دونوں ٹیموں کے مابین میچ 11 بج کر 10 منٹ پر شروع ہوگا۔