چین میں شہری کے پیٹ سے زندہ مچھلی برآمد

بیجنگ: چین کے ہونان صوبے کے 33 سالہ باشندے کے پیٹ سے حال ہی میں قریباً ایک فٹ لمبی زندہ بام مچھلی نکالی گئی، جو آنتوں کی دیوار کو چیر کر اندر منتقل ہوگئی تھی۔
شہری شدید پیٹ درد کے ساتھ اسپتال پہنچا اور سی ٹی اسکین سے پتا چلا کہ ایک غیر معمولی محرک چیز اس کی آنتوں میں موجود ہے۔
ایمرجنسی لیپرواسکوپک سرجری کے دوران ڈاکٹرز حیران رہ گئے جب انہوں نے مچھلی کو زندہ دیکھا، جیسے وہ پیٹ میں تیر رہی تھی۔
ماہرین کے مطابق یہ مچھلی سیدھی یا غلطی سے انسان کے انوس (مقعد) کے راستے داخل ہوئی ہوگی، جہاں سے یہ آنتوں کے ذریعے پیٹ کے اندر گئی۔
یہ حالت پیٹ کی جھلی کی سوزش کی شکل اختیار کرسکتی تھی مگر بروقت آپریشن سے مریض بچ گیا اور صحت یاب ہے۔
خیال رہے کہ ایسی نوعیت کے واقعات غیر معمولی ضرور ہیں لیکن پہلی بار نہیں ہوئے، گزشتہ برس ویت نام میں بھی ایسے ہی واقعے کی اطلاع ملی تھی، جہاں ایسے ہی حالات کا مریض کو سامنا تھا۔
آنتوں کی دیوار کے پھٹ جانے سے گیسٹرونٹیسٹائنل کمپلیکیشن ہوسکتا ہے جو خطرناک ہے اور پرِٹونائٹس کا باعث بن سکتا ہے جس کے لیے فوری سرجری ضروری ہوتی ہے۔