لاس اینجلس: ہالی وُڈ اداکارہ لِنڈسے لوہان نے کویت کے بزنس مین بدر شماس کو جیون ساتھی بنالیا۔
ذرائع ابلاغ کی رپورٹس کے مطابق لِنڈسے لوہان نے گزشتہ سال 28 نومبر کو بدر شماس سے منگنی کی تھی اور اب انہوں نے اپنی انسٹاگرام پوسٹ کے ذریعے بتایا کہ دونوں رشتہ ازدواج میں منسلک ہوچکے ہیں۔
اداکار وگلوکارہ لِنڈسے لوہان نے اپنی 36 ویں سالگرہ سے چند گھنٹوں قبل انتہائی نجی تقریب کا انعقاد کرکے کویتی کاروباری شخصیت کے ساتھ شادی کے بندھن میں بندھی ہیں۔
لِنڈسے لوہان نے اپنے شوہر کے ساتھ تصویر شیئر کرتے ہوئے لکھا کہ میں دنیا کی خوش قسمت خاتون ہوں کہ بدر شماس نے مجھے تلاش کیا اور بہت حیرت ہوتی ہے کہ وہ میرے شوہر ہیں۔
لِنڈسے لوہان نے شوہر کو اپنی زندگی اور اپنا سب کچھ قرار دیا جس پر مداحوں کی جانب سے بھی اس نوبیاہتا جوڑی کے لیے نیک تمناؤں کا اظہار کرنے کا سلسلہ جاری ہے۔