خوبصورتی کیلئے اداکارائوں کی طرح اداکار بھی بوٹوکس کرواتے ہیں، ایاز سموں

کراچی: اُبھرتے ہوئے اداکار ایاز سموں نے انکشاف کیا ہے کہ اداکاراؤں کی طرح مرد اداکار بھی بوٹوکس کرواتے ہیں۔
ایاز سموں نے نجی ٹی وی کے شو میں دوران گفتگو کہا کہ گوگل پر میری عمر بالکل ٹھیک ہے، میں 38 سال کا ہوں اور اسے میں نے کبھی نہیں چھپایا۔
ایاز سموں نے اپنی فٹنس کا راز بتاتے ہوئے کہا کہ میں کوئی خاص ڈائٹ یا ورک آؤٹ فولو نہیں کرتا، سب کچھ کھاتا ہوں لیکن کم مقدار میں کھاتا ہوں، فٹ اور جوان نظر آنے کے لیے میرے نزدیک دو فارمولے ہیں، پہلا خود خوش رہیں اور دوسرا دوسروں کو بھی خوش رکھیں۔
ایاز سموں کا کہنا تھا کہ میں نے کبھی بوٹوکس یا پروسیجر نہیں کروایا، لیکن شوبز میں اداکاراؤں کی طرح مرد اداکار بھی بوٹوکس اور پروسیجر کرواتے ہیں۔
انہوں نے مزید کہا کہ مجھے ان مرد و خواتین کے بوٹوکس اور پروسیجرز پر کوئی اعتراض نہیں، کیوں کہ اس کے فوائد اور نقصانات کے ذمے دار وہ لوگ خود ہیں۔