نیویارک: دُنیا بھر میں بے پناہ مقبول امریکی ماڈل کم کارڈیشین کا ٹک ٹاک اکاؤنٹ بلاک کردیا گیا۔
بیرون ملک کے ذرائع ابلاغ کے مطابق کم کارڈیشین کے ساتھ ان کی بیٹی نارتھ ویسٹ کے اکاؤنٹ پر بھی ٹک ٹاک کی جانب سے مبینہ طور پر پابندی لگادی گئی ہے۔
کم کارڈیشین اور ان کی بیٹی کے اکاؤنٹ پر 15.5 ملین فالوورز اور 454 ملین سے زیادہ لائیکس تھے جو اب نامعلوم وجوہ کی بنا پر بند کردیا گیا ہے۔
سوشل میڈیا پر امریکی ماڈل کے مداحوں کی جانب سے ایسے اسکرین شاٹس شیئر کیے، جن میں بتایا گیا ہے کہ اس صفحے پر پابندی عائد کردی گئی ہے، جس پر مداح تشویش میں مبتلا ہوگئے اور سوشل میڈیا پر سوالات کے ڈھیر لگادیے۔
خیال رہے کہ ٹک ٹاک نے تاحال کم کارڈیشین اور ان کی بیٹی کے اکاؤنٹس بلاک کرنے کی کوئی وضاحت نہیں دی۔