کراچی: خیبر پختونخوا کے وزیراعلیٰ سہیل آفریدی کراچی پہنچ گئے۔
کراچی ایئرپورٹ پر صوبائی وزیر سعید غنی نے سہیل آفریدی کا استقبال کیا، انہوں نے وزیراعلیٰ کے پی کو اجرک اور سندھی ٹوپی پہنائی۔
دوسری جانب کراچی ایئرپورٹ کے اطراف بدترین ٹریفک جام ہے اور ایئرپورٹ سگنل کے باہر کھڑے کارکنوں نے بھی ایئرپورٹ جانے کی کوشش کی۔
واضح رہے کہ وزیراعلیٰ خیبرپختونخوا سہیل آفریدی دورۂ کراچی میں مختلف شخصیات سے ملاقات کریں گے۔
اس کے علاوہ وزیراعلیٰ خیبر پختونخوا نے کراچی میں تاریخ کا سب سے بڑا جلسہ کرنے کا اعلان بھی کیا ہے۔
اس سے قبل سہیل آفریدی نے پنجاب کا دورہ کیا تھا، اس دوران پی ٹی آئی نے الزام عائد کیا تھا کہ وزیراعلیٰ پنجاب نے سہیل آفریدی کے دورے کے موقع پر سڑکیں بند کرائی تھیں۔