لاہور: معروف ٹک ٹاکر اور سوشل میڈیا شخصیت کاشف ضمیر کو پولیس نے گرفتار کرلیا۔
رپورٹ کے مطابق کاشف ضمیر کو لاہور کے باہر سے حراست میں لے کر لاہور منتقل کیا جارہا ہے۔ پولیس حکام کا کہنا ہے کہ ان کے خلاف تھانہ قلعہ گجر سنگھ میں مقدمہ درج کیا گیا ہے، جس میں پاکستان الیکٹرانک کرائمز ایکٹ (پیکا) کی دفعات شامل کی گئی ہیں۔
ڈی آئی جی آپریشنز کے مطابق ایک وائرل ویڈیو کے منظرعام پر آنے کے بعد پولیس نے کارروائی کی ہے، جس میں کاشف ضمیر ایک پولیس اہلکار کے ساتھ نظر آرہے تھے۔
پولیس نے تصدیق کی کہ ویڈیو میں نظر آنے والا اہلکار بھی حراست میں لیا جا چکا ہے۔ ایس پی فیصل کامران نے بتایا کہ گرفتاری لاہور کے باہر سے عمل میں لائی گئی اور معاملے کی تفتیش جاری ہے۔